انواع الشباب على النت

الشباب على النت بينقسم لعدة انواع:
النوع الاول:
النوع ده لسه جديد على النت وده بينقسم الى نوعين:
متحمس وحاطط فى دماغه موضوع النت وعايز يتعلم1_
الثانى:
سمع من صحابه عن النت والبنات اللى موجودة على النت فجاى عشان يجرب حظه2_
النوع الثانى:
بيقعد على النت بس مش كتير وده بيبقى كلامه كله انا مشغولياتى كتير والكلام ده وبعد مايتكلم شوية يقولك ممكن نكمل كلامنا فى التليفون لانى مبدخلش نت كتير ومليش خلق للكتابة والحاجات دى
والنوعية دى تنقسم لنوعين :
1-يبقى لحوح ويفضل يطلب نفس الطلب وصباح الملل
2-يبقى عنده عزة نفس وميلحش بس يتعصب ويقولك اعملى بلوك عليا
النوع التالت:
اللى قاعد على النت ليل ونهار
وده بقى شرحة يطول لانه بينقسم لانواع كتييييييييييييييييييييييييييييييير منها :
1-المقموص:
وده بيبقى قاعد وحاطط ايده على زرار الزعل واى حاجة بتقوليها تبقى بتقصديه هو او بتقللى من شانه وبعد كام مرة بطلب رقم تليفونك ولو رفضتى يقولك انا هحترم رغبتك ومن وقت للتانى هتاخدى بلوك فى وشك
2-ابو دم خفيف:
وده بقى شلل مركز ومتعرفيش مين اللى خدعه وقالوه انه دمه خفيف
3-اللزقة :
وده بقى كلامه كله كنتى فين ؟ اتاخرتى فى الرد ليه ؟ هو انتى بتكلمى حد تانى ؟ ولو قولتيله ثوانى يبقى ثوانى ليه؟ هتعملى ايه؟وانت مالك ايه اللى حشرك مش عارفة والله
4-الناصح:
وده بقى صباح الصداع ابو النصايح كل كلمة هتقوليها هتاخدى عليها نصيحة وعرض خاص قولى جملتين تاخدى خمس نصائح هدية
5-دون جوان:
فاكر نفسه دون جوان عصرهيقولك انا عندى جاذبية والبنات هتموت عليا وايام لما كنت فى الكلية البنات كلها بتجرى ورايا والمصيبة ان اى كلمة هتقوليها تبقى انتى معجبة بيه
6-محروم بنات:
وده مابيصدق يلاقى جروب يختار البنات ويتكلم
كفاية عليكم كده

يا سلام على المواضيع
تسلمى اديكى

بجد الشباب دول ديما مظاليم
ربنا معانا ملناش غير هو اللى عالم بحالنا